Licenciado en Xeografía e Historia. Obtivo a súa tese doutoral en historia pola Universidade de Santiago de Compostela en 2003. Entre 2003 e 2019 foi profesor de Historia Contemporánea na Universidad Pablo de Olavide, Sevilla, onde participou da creación do Laboratorio de Historia de los Agroecosistemas. Desde 2019 é profesor de Historia Económica na Universidade de Santiago de Compostela. As súas liñas de investigación concéntranse na Historia Agraria e Ambiental, incluíndo diversos aspectos como o metabolismo social e agrario, a evolución económica da agricultura, os comunais, ecoloxía política e conflitos ambientais e democratización e nacionalización do campesiñado. Participou e dirixiu varios proxectos de investigación autonómicos, nacionais e internacionais. A súa produción científica inclúe 5 libros, 17 artigos en JCR, 11 artigos noutras bases de dados e 24 capítulos de libro. Forma parte do consello de redacción da revista Agua y Territorio e formou parte da de Historia Agraria.

Descargar CV